Tarefas sobre a prosperidade, crise e depresión
Imaxes da Historia - Dorothea Lange
Dorothea Lange (1895-1965) foi unha reporteira gráfica estadounidense que realizou unha ampla crónica fotográfica dos efectos da Gran Depresión. As súas fotografías amosan o sufrimento dos desempregados, dos desafiuzados e, sobre todo, dos campesiños que emigraron cara a California fuxindo do Dust Bowl que asolou o Medio Oeste dos Estados Unidos.
O seu retrato da "Nai migrante" converteuse nun referente da fotografía social. En 1960, Lange relatou a súa experiencia ao tirar a foto:
"Vin e achegueime á famélica e desesperada nai como atraída por un imán. Non lembro como lle expliquei a miña presenza ou a miña cámara, pero lembro que elan non me fixo preguntas. Non lle pedín o seu nome ou a súa historia. Díxome a súa idade, que tiña 32 anos e que viviran de vexetais fríos dos arredores e paxaros que os nenos mataban. Acababa de vender as lamias do seu coche para mercar alimentos. Aí estaba sentada repousando na tenda cos seus nenos abrazados a ela e semellaba saber que a miña fotografía podería axudala e daquela axudoume".
Consulta nos seguintes enlaces máis información sbore Dorothea Lange e as fotografías que realizou durante a Gran Depresión, e realiza as actividades que tes a continuación:
A artista
- De que profesión foi pionera Dorothea Lange?
- Por que percorreu o país na década de 1930? Para quen traballaba? Con que finalidade?
As fotografías
- Elixe cinco fotografías que reflictan a vida dos campesiños emigrantes durante a Gran Depresión. Descárgaas de Internet e elabora un álbum fotográfico. Ponlle un título a cada unha e redacta un pequeno pé explicativo coa descrición da imaxe e os motivos da túa elección.
O seu valor testemuñal e artístico
- Cres que estas fotografías constitúen unha fonte histórica para coñecer o pasado tan importante como os documentos escritos? Xustifica a túa resposta.
- Que quixo reflectir a fotógrafa nas súas obras? Por que é considerada unha fotógrafa social? Busca o que poñía na súa tarxeta de visita.
- Cres que a súa obra ten un valor artístico como podería ter unha pintura? Razoa a túa resposta.
«Dust Bowl Refugees»
A balada de Woody Guthrie
Escoita no video que tes abaixo a balada de Woody Guthrie, "Dust Bowl Refugees" e responde as seguintes cuestións:
- Cal é o tema da canción?
- Busca información sobre os "okies".
Hooverville, Seattle
Hooverville, Seattle, 1937. Entre 1931 e 1941, data da súa destrución, este barrio de chabolas foi o fograr de milleiros de persoas sen emprego.
- Consulta o seguinte enlace e elabora un pequeno informe sobre como vivía a poboación nos Hoovervilles do Estado de Washington durante e Gran Depresión:
https://es.tiching.com/link/732810
Analiza a táboa
1. Descrición da información
- Que evolución seguiron as cotizacións en Bolsa das principais compañías dos EUA? Que dous fenómenos bolsistas reflicte a táboa?
- Que nome recibe o día 24 de outubro de 1929? Que aconteceu ese día na Bolsa?
- Calcula a porcentaxe de descenso das accións das tres compañías entre 1928 e 1933.
2. Análise
- Que causas explican a gran suba das cotizacións entre 1928 e 1929? E a caída a partir de setembro de 1929?
3. Contexto histórico
- Que consecuencias tivo a crac bolsista para os accionistas destas compañías? Explica como repercutiu na economía dos Estados Unidos.