O asasinato en Saraxevo, o 28 de xuño de 1914, do herdeiro da coroa de Austria-Hungría desencadenou unha guerra que se viña fraguando desde había anos. Nun primeiro momento, creuse que sería rápida, pero converteuse nun conflito longo e de dimensión mundial, que implicou tanto militares coma civís.

Tras catro anos de guerra asinouse o armisticio e os vecedores elaboraron uns tratados de paz que cambiaron a face de Europa. Pero esta paz demostrouse fráxil e, en poucos anos, Europa encamiñouse cara a un novo conflito.